I. Ni Nini Kinahitajika Ili Mtu Akue Na Kukomaa? – Biblia

Tunaanza mfululizo mpya leo unaouliza swali: “Ni nini kinahitajika ili mtu akue?” Hii ni kama sehemu muhimu sana ya utafiti (ambapo unaweza kung’oa mmea na kukung’uta udongo wote kwenye mizizi na kuuweka mezani). Hapo lengo ni kuona kama ni kweli mmea unahitaji maji na udongo ili kukua au kama ni dhana tu inayoaminiwa na watu duniani.

A. Kusudi La Mfululizo Huu:

Kusudi ni lengo lilelile alilokuwa nalo Epafra kwa ajili ya Wakristo wa Kanisa la Kolosai. Aliwaombea,

“ili kwamba msimame wakamilifu na kuthibitika sana katika mapenzi yote ya Mungu.” Wakolosai 4:12

Hilo ndilo Mungu analolitaka kwetu. Anataka kwamba sisi tukue na kuthibitika. Unaweza kuchorea mstari hayo maneno ya “kuthibitika” na “Mapenzi ya Mungu”. Yote hayo yameandikwa katika hili neno. Ni mapenzi ya Mungu kwamba tukue.

Sikiliza mstari huu kutoka kwa mtume Paulo:

Waefeso 4:14-15 “ili tusiwe tena watoto wachanga, …bali tukue hata tumfikie yeye aliye kichwa Kristo.”

Je uliwahi kutambua kuwa Mungu anakutaka ukue? Nina rafiki yangu ambaye anafanya kazi katika Kituo cha Afya kwa ajili ya walemavu wa akili. Siku moja nilikwenda naye hapo kituoni na nikawaona watu wa kiume na wa kike ambao wamekomaa miili yao lakini akili zao zilikuwa hazijakomaa. Ilikuwa ni shida! Kuna kijana mmoja ambaye alionekana kama alikuwa na miaka 20 akiwa katika kiti-mwendo. Msaidizi wake alikuwa akijaribu kuweka mpira mapajani mwake lakini yeye aliupiga kwa mikono yake ili utoke. Wakati mwingine ilimchukua dakika nzima kufanya hivyo. Wakati mwingine hata dakika 3 au 4.

Kama tukiuangalia ukuaji uliochelewa kiakili na kimwili tunaushangaa na kusema, “Ni shida!” Je, Mungu Baba atakuwa anatufikiriaje anapotuangalia na kuona na sisi tulivyochelewa kukua kiroho? Hapa sasa nikuulize swali…

B. Je, Ukomavu Wa Kiroho Ni Nini? Kuwa Kama Kristo!

Waefeso 4:13 hata na sisi sote tutakapoufikia Umoja wa imani na kumfahamu sana Mwana wa Mungu, hata kuwa mtu mkamilifu, hata kufika kwenye cheo cha kimo cha utimilifu wa Kristo.

Kwa jinsi huu mstari ulivyo, unaweza kuuelezea ukomavu wa kiroho kwa sentensi moja: Ukomavu wa kiroho ni kuwa kama Kristo.

Wengi wetu tunataka kukua. Wengi wetu tunataka kukomaa. Wengi wetu tunataka kuwa kama Kristo. Mara nyingi hatujui namna ya kuanza.

C. Mapitio: Tabia Saba Za Wakristo Wanaokomaa

Tutajikita katika kuangalia Tabia Saba za Msingi ambazo kila Mkristo anahitaji kuwa nazo ili aweze kukua hadi kufikia ukomavu wa kiroho. Lengo langu ni …

Kukuwezesha kupata stadi au maarifa unayoyahitaji kwa ajili ya tabia hizi.

Kueleza vitu unavyovihitaji ili kuendeleza tabia hizi.

1. Ili ukue unahitaji kula—Biblia
2. Ili ukue unahitaji kupumua—Maombi
3. Ili ukue unahitaji usafi wa kiroho—Kuungama dhambi
4. Ili ukue unahitaji familia inayojali—Ushirika
5. Ili ukue unahitaji mazoezi ya mara kwa mara—Huduma
6. Ili ukue unahitaji ulinzi—Majaribu
7. Ili ukue unahitaji kutoa—Uwakili

D. Kweli Juu Ya Ukuaji Wa Kiroho

1. Kukua Kiroho Hakutokei Tu Otomatiki.

Je, umewahi kujua kwamba unaweza kuwa Mkristo na ukashindwa kukua kiroho?

Waebrania 5:12-13 “Mmekuwa Wakristo kwa muda mrefu sasa, na mlipaswa kuwa mnafundisha wengine. Lakini badala yake mnahitaji kufundishwa na mtu mafundisho ya kwanza ya maneno ya Mungu. Mmekuwa kama watoto wachanga ambao wanahitaji maziwa na hawawezi kula chakula kigumu. 13Mtu anayeishi kwa maziwa hajui sana neno la haki, kwa maana ni mtoto mchanga” (imetafsiriwa).

Huu ni ukuaji uliodumazwa. Hawa wanapaswa kukomaa. Walikuwa na muda wa kutosha. Lakini ni shida sasa kwamba hawajakomaa! Ukomavu hauji wenyewe. Unahitaji muda, kujibidisha na kadhalika.

2. Ukomavu Wa Kiroho Hautokei Kwa Haraka

Biblia inasema katika 2 Petro 3:18, “Lakini kueni katika neema, na katika kumjua Bwana wetu na Mwokozi Yesu Kristo.” Hapa inaonyesha kwamba ni mchakato. Inachukua muda. Sio jambo la mara moja.

Je unakumbuka zile hisabati za shuleni kwamba Mwendo x Muda = Umbali?

Hii kanuni ina maana kwamba ukisafiri kwa mwendo wa kilometa 5 kwa saa kwa masaa 100 utasafiri umbali wa kilometa 500

Ukisafiri kwa mwendo wa kilometa 50 kwa saa, kwa masaa 10 utasafiri umbali wa kilometa 500

Ukisafiri kwa mwendo wa kilometa 500 kwa saa, kwa masaa 10 utasafiri umbali wa kilometa 500

Kuna Wakristo ambao wamemfahamu Kristo kwa miaka 50. Kwa sasa walipaswa kuwa wamekomaa. Lakini ndio hao wanaenda kwa mwendo wa kilometa 1 kwa saa. Wengine hata hizo kilometa hazipo! Wamesimama tu, hawaendi popote. Wameketi tu, wanazuia wengine kusonga mbele maana wanasababisha msongamano nyuma yao.

Mstari wetu Mkuu: 2 Petro 3:18, “Lakini kueni katika neema, na katika kumjua Bwana wetu na Mwokozi Yesu Kristo. Utukufu una yeye sasa na hata milele! Amina”

Hakuna njia ya mkato ya kukua kiroho. Hakuna kidonge au dawa ambayo ningeweza kukupa ili ukishainywa leo na kesho uwe umekomaa kiroho. Ni jambo linalochukua muda. Linahitaji juhudi za makusudi. Haliji lenyewe wala haliji haraka.

Watu hujaribu njia nyingi za mkato. Wengine hutafuta tu kuhamasisha hisia zao—“Nikipata kitu hiki ‘fulani’ matatizo yangu yote yanakwisha na nitakuwa Mkristo aliyekomaa.” Watu wengine husema, “Nikihudhuria semina hii…Nikisoma kitabu hiki…Nikisikiliza kanda hii…” Watu wengine husema, “Nikifuata kanuni hizi, basi nitakuwa kama Mungu anavyonitaka niwe.”

Lakini Biblia inasema, hapana. Ni mchakato endelevu. Ni lazima ujifunze ili ukomae. Lakini kuna maarifa ambayo unatakiwa ujifunze ili uweze kukua.

3. Ukomavu Wa Kiroho Hauji Bila Nidhamu Binafsi

1 Timotheo 4:7 “Jitahidi na chukua muda kupata utauwa”(imetafsiriwa).

Je uimara wa kimwili hutokea wenyewe? Hapana. Ndivyo ilivyo hata kwa mazoezi ya nguvu za mwili. Inachukua muda na kufanya kazi. Ndivyo ilivyo kwa masuala ya kiroho, kuna mazoezi yanayohitajika kukujengea tabia za msingi katika maisha ya kiroho. Biblia inasema, “Jibidishe kwa lengo la kupata utauwa.” Kujibidisha hapa ndio kujenga nidhamu binafsi.

Unapozungumzia nidhamu binafsi unahitaji kuzungumzia pia ufuasi kwa sababu haya mawili yanakwenda pamoja. Kuna kweli sita za msingi ambazo nakutaka uzielewe kupata picha ya huko tunakoelekea.

1. Biblia inafundisha kuwa waamini waliokomaa wanaitwa wanafunzi. Hilo ni neno Biblia inalotumia kuelezea mwamini aliyekomaa—mwanafunzi.

2. Biblia inafundisha kuwa siwezi kuwa mwanafunzi bila kujenga nidhamu. Maneno haya mawili huwa yanaenda pamoja—mwanafunzi na nidhamu.

3. Biblia pia inafundisha kwamba kwa jinsi ninavyojengewa nidhamu ndivyo Mungu anavyoweza kunitumia.

4. Alama ya mwanafunzi ni kubeba msalaba.

Luka 14:27, Yesu alisema, “Mtu yeyote asiyeuchukua msalaba wake na kunifuata hawezi kuwa mwanafunzi wangu.” Mungu anatutaka tubebe msalaba wetu. Tutaelezea maana ya maneno haya.

5. Haya mambo ninatakiwa niyafanye mara ngapi? Biblia inasema kila siku.

Luka 9:23 Akawaambia wote, “Mtu yeyote akitaka kunifuata, na ajikane mwenyewe, ajitwike msalaba wake kila siku, anifuate.”

Hili ndilo tutakalokwenda kulizungumzia. Katika hali ya vitendo kubeba msalaba ina maana gani?

6. Hivi kubeba msalaba kunahusisha nini hasa? Imeshaelezwa: inahusisha jambo lolote linalompa Kristo nafasi ya kwanza katika maisha yangu.

E. Lengo: Kudhamiria Kuwa Na Tabia Zinazohitajika Kukomaa Kiroho

II. Sababu Zinazokufanya Uihitaji Biblia Yako.

A. Biblia Ni Kama Kitabu Cha Maelekezo Cha Mmiliki Wa Gari. Bila Hicho Maisha Yatakuwa Magumu Sana.

Kila andiko, lenye pumzi ya Mungu, lafaa kwa mafundisho, na kwa kuwaonya watu makosa yao, na kwa kuwaongoza, na kwa kuwaadibisha katika haki; ili mtu wa Mungu awe kamili, amekamilishwa apate kutenda kila tendo jema. 2 Timotheo 3:16-17

Kama una gari jipya, miongoni mwa mambo utakayofanya ni kusoma kitabu cha maelekezo. Utaangalia magurudumu kama yameisha. Utakagua mafuta (oili) kama yanahitaji kubadilishwa na utaangalia kama gari inahitaji kufanyiwa huduma mara ngapi. Unaangalia pia kwamba uende mwendo gani katika kilometa 200 za mwanzo. Ukishindwa kufanya haya yote, utaiharibu injini na kuua gari lako.

Mungu huwa anajali sana na hakututupa tu huku duniani na kusema, “Fanya vizuri kwa jinsi utakavyoweza! Natumaini kuwa utagundua kila kitu! Nakutakia kila la heri!”

Alitupatia kitabu cha maelekezo ya mtumiaji. Kitabu hicho kinatuambia kila kitu tunachokihitaji kumhusu Yeye, kuhusu sisi, na kuhusu maisha. Lakini haitusaidii chochote hadi tumeisoma!! Soma kitabu cha Mungu cha maelekezo!

B. Biblia Ni Kama Tochi Kwa Ajili Ya Giza. Bila Hiyo Lazima Utajikwaa Na Kuumia, Au Kutangatanga Na Kupotea.

Neno lako ni taa ya miguu yangu na mwanga wa njia yangu. Zaburi 119:105

Wewe uko katika kambi mpya. Ni usiku wa manane. Unajisikia kujisaidia. Halafu unatokea mlango wa nyuma bila tochi, na kujigonga kwenye meza halafu unaanguka. Ndio kusema bila mwanga njiani utajikwaa na kuumia au utangetange na kupotea.

Maisha ndio kama hivyo. Unajisikia kama vile unajikwaa, unatangatanga. Unavurugwa. Mungu hakukusudia kuwa maisha yawe hivyo. Alitupatia tochi. Lakini tochi haiwezi kutusaidia kama hatuitumii! Washa tochi ya Mungu!

C. Biblia Ni Kama Silaha Kwa Askari. Bila Hiyo Utakamatwa Au Kuuawa.

Tena ipokeeni chapeo ya wokovu, na upanga wa Roho ambao ni neno la Mungu. Waefeso 6:17.

Nimekuwa nikifundisha masomo ya Biblia kwa miaka mingi. Mara nyingine unakutana na wanafunzi ambao wanapenda kujifunza wakiwa wamehamasika sana. Wakati mwingine unakutana na wanafunzi waliochoka wasiokuwa na hamu kabisa na wala hawazingatii unachowafundisha.

Mara nyingi nimewaza, “Hawa wanafunzi hawajui kwamba wako katika vita. Hawatambui kwamba kitabu hiki ndiyo silaha yao pekee. Hawajui kwamba wasipojifunza ndani yake, wakajifunza namna ya kuitumia, watakufa na kusahaulika. Watasomwa kwenye orodha ya majeruhi wa kesho, wakiwa katika hali mbaya sana.”

Tuko katika vita ya kiroho. Kama wewe ni Mkristo basi wewe ndio mlengwa. Na usipojua kutumia upanga wa Roho, yaani Neno la Mungu, utakufa! Mungu hajakusudia kuwa uuawe au uwe majeruhi. Mungu amekusudia kuwa wewe uwe mpiganaji mshindi, sio majeruhi. Mungu alikupa upanga, lakini hautafanya kazi wenyewe bila wewe kuutumia! Uwe basi mjuzi wa kutumia upanga wa Mungu!

D. Biblia Ni Kama Kioo Kwa Mtendaji. Bila Hiyo Hutajua Kuwa Wewe Ukoje Wala Hutabadilisha Matendo Yako.

Lakini iweni watendaji wa neno, wala si wasikiaji tu, hali mkijidanganya nafsi zenu. Kwa sababu mtu akiwa ni msikiaji wa neno tu, wala si mtendaji, mtu huyo ni kama mtu anayejiangalia uso wake katika kioo. Maana hujiangalia, kisha huenda zake, mara akasahau jinsi alivyo. Lakini aliyeitazama sheria kamilifu iliyo ya uhuru, na kukaa humo, asiwe msikiaji msahaulifu, bali mtendaji wa kazi, huyo atakuwa heri katika kutenda kwake. Yakobo 1:22-25

Kioo huwa kinafanya nini? Kinakuonyesha jinsi wewe ulivyo. Asubuhi ya leo nilikaa kwa muda mbele ya kioo. Wengine hufikiri, “Huo muda hautoshi!”

Katika aya hii Yakobo anaeleza kuwa ni mwanaume anayejiangalia na kuondoka huku akisahau jinsi alivyo. Mwanamke hawezi kufanya hivyo. Yeye atafanya kila njia ili arudishe uso wake katika utukufu wa mwanzo ambao Mungu alimuumba nao!

Kazi ya kioo ni kuonyesha hasa jinsi tunavyoonekana, ili tuweze kufanya mabadiliko yanayotakiwa. Kazi ya Biblia ni kutuonyesha jinsi hasa tulivyo ili kwamba, kwa msaada wa Mungu, tufanye mabadiliko yanayotakiwa.

Ni shida sana wakati kila mtu anajua kuwa John anasengenya, lakini John mwenyewe halijui hilo. Ni shida pia wakati kila mtu anajua kuwa Betty ana ulimi wa mafarakano lakini Betty mwenyewe halijui hilo. Ni shida sana wakati kila mtu anajua kuwa Bosco anatumia pesa vibaya lakini Bosco mwenyewe halijui hilo.

Biblia ni kama kioo. Inaonyesha jinsi tulivyo. Inaonyesha mahali tunapohitaji kubadilika. Sio tu kuwa inatuonyesha hitaji, lakini pia inatusaidia kubadilika! Lakini kioo hakikusaidii chochote kama hukitumii! Jitazame katika kioo cha Mungu!

E. Biblia Ni Kama Virutubisho Na Maji Kwa Mmea. Bila Hivyo Utanyauka Na Kufa

Heri mtu yule asiyekwenda katika shauri la wasio haki, wala hakusimama katika njia ya wakosaji wala hakuketi barazani pa wenye mizaha. Bali sheria ya Bwana ndiyo impendezayo, na sheria yake huitafakari mchana na usiku. Naye atakuwa kama mti uliopandwa kandokando ya vijito vya maji, uzaao matunda yake kwa majira yake, Wala jani lake halinyauki; Na kila alifanyalo litafanikiwa. Zaburi 1:1-3

Sasa turudi nyuma na kuangalia mawazo yangu hapa juu ya mmea. Halionekani kama jambo baya sana. Lakini kama nikiuacha mmea hapa hadi wiki ijayo, hivihivi bila maji na bila mbolea si unajua kitakachotokea? Mmea utakuwa umekufa na kuwa ni takataka.

Hii ndiyo shida. Kuna baadhi yenu mnaojaribu kuishi kwa namna hii. Kila Jumapili mnajaribu kupata chakula cha kiroho na maji mnayoyahitaji kwa wiki yote ijayo. Huwezi kufanya hivyo. Haiwezekani. Itakuwa kama huu mmea ambao unajaribu kuupa maji na virutubisho kwa saa moja tu kwa wiki. Sasa hii itasaidia nini kwa mmea huu? Hiyo itasaidia nini kwenye maisha yako ya kiroho? Hapa ndipo shida ilipo. Wengi wenu mnaufikiria mmea huu kuliko kufikiria juu ya maisha yenu ya kiroho. Mnajiwazia wenyewe, “Nafikiri huo mmea utaishi tu.”

Kama unaujali sana huu mmea, je, si zaidi sana ujali juu ya roho yako? Roho yako inahitaji maji yaliyoko katika Neno. Roho yako inahitaji chakula ambacho ni hiki Kitabu pekee kinaweza kukupa. Cha ajabu ni kwamba wewe unabaki kufa na njaa! Unakula mara moja kwa wiki, halafu unashangaa ni kwa nini maisha yako ya kiroho ni magumu! Unashangaa kwa nini unaendelea kuanguka katika dhambi. Unashangaa kwa nini maendeleo yako hayaonekani. Nitakueleza sababu—roho yako inakufa kwa njaa! Ningaliweza kukuandalia meza yenye vyakula vizuri sana unavyoweza kuwaza, lakini havitakusaidia kama hutakula! Sasa kula chakula cha Mungu!

Mathayo 4:2-4

2 Akafunga siku arobaini mchana na usiku, mwisho akaona njaa.
3 Mjaribu akamjia akamwambia, “Ukiwa ndiwe Mwana wa Mungu, amuru kwamba mawe haya yawe mikate.”
4 Naye Yesu akajibu akasema, “Imeandikwa: ‘Mtu hataishi kwa mkate tu, ila kwa kila neno litokalo katika kinywa cha Mungu.’”

Kula chakula cha Mungu!

III. Hitimisho

Ningependa kukuhimiza kuchukua hatua nyingine ya kudhamiria kujifunza Neno la Mungu. Hapa kuna mambo yanayowezekana kuyafanya. Je uko tayari kuangalia mambo haya na kuchagua hapo moja ili ulifanye kwa mwaka huu?

A. Mapendekezo Kwa Ajili Ya Ukuaji Binafsi

1. Kwa Anayeanza

___Nitatumia mwongozo wa kusoma Biblia kila siku na Biblia yangu kwa siku_____kwa wiki.

___Nitasoma Biblia yangu dakika___kila siku, siku ___kwa wiki kwa mwaka huu.

___Nitasikiliza Biblia kwenye kaseti kwa dakika___kwa wiki mwaka huu.

___Nitakariri mistari___ya Maandiko kila wiki kwa mwaka huu.

___Nitanunua aina tofauti za Biblia na kuzitumia mwaka huu.

___Nitakuwa nikihudhuria masomo ya Biblia kila Jumapili kila saa tatu asubuhi.

___Nitajiunga na vikundi vya Kujifunza Biblia na kuwaomba wanisaidie kufikia malengo yangu ya kusoma Biblia mwaka huu.

2. Kwa Wanaoendelea

___Nitapanga kuhudhuria mafunzo ya kwenye mtandao mwezi Machi, na kufanyia mazoezi njia mpya za kujifunza Biblia mwaka huu.

___Nitasoma kitabu mwaka huu kuhusu jinsi ya kujifunza Biblia.

___Nitapunguza baadhi ya shughuli katika ratiba yangu ili nipate saa___ kwa wiki za kujifunza Biblia mwaka huu.

___Nitajifunza na kufanya mazoezi ya kutafakari Maandiko kwa dakika ___ kwa wiki mwaka huu.

___Nitajiandikisha kupata mafunzo juu ya kujifunza Biblia katika Umoja wa Kujisomea Biblia.

___Nitaandika malengo yangu ya kujifunza Biblia kwenye Kadi ndogo, kisha nimpatie rafiki yangu, na kumwomba anikumbushe na kuniuliza maendeleo yangu (Kwa mfano, “Lengo langu: Dakika 15 kwa siku, siku tano kwa wiki”)

3. Walioendelea

___Nitaandika mawazo ninayopata katika Biblia kwenye Daftari siku____ kwa wiki mwaka huu.

___Nitanunua na kutumia zana za kujifunza Biblia (kama Kamusi ya Biblia, Itifaki ya Biblia, Rejea Muhimu n.k.)

___Nitahudhuria vikundi vya kujifunza Biblia (Faragha, vikundi vya akina mama, Moms n.k. nijifunze nao Biblia mwaka huu.

___Nitanunua program ya Computer ya kujifunza Biblia kwa mwaka huu.

B. Mapendekezo Kwa Ajili Ya Ukuaji Wa Familia

___Tutafanya Mpango wa Familia wa kujifunza Biblia wiki hii.

___Tutaanza Maktaba ya Biblia kwa ajili ya Familia.

___Tutakariri kifungu cha Biblia pamoja kila wiki mwaka huu.

___Tutasoma kitabu kizima cha Biblia mwaka huu.

___Tutaulizana mara moja kwa wiki, “Umejifunza nini kwenye Biblia kwa wiki hii?

___Tutahudhuria Kambi ya Biblia kwa ajili ya Familia au Kongamano kwa Mwaka huu.

Na. John Underhill Imetafsiriwa kutoka Kiingereza na Mwl. Emmanuel Lyatuu

John Underhill ni Mchungaji katika Kanisa la South Hill Bible Church, lililoko Spokane, Washington, Marekani.

Utangulizi

Mungu amejifunua mwenyewe kwa njia nyingi za ajabu katika historia (Ebr. 1:1-4). Amejifunua katika asili (Zab. 19:1-6), lakini pia amejifunua kwa matendo yake katika ulimwengu. Hayo “matendo” ya Mungu kama mafuriko, kutoka utumwani, na pia kuonekana kwake katika maono, ndoto n.k. –yote haya yaliandikwa kwa ajili yetu katika Maandiko, ambayo ni “ufunuo” kutoka kwa Mungu. Sababu iliyomfanya Mungu ainue watu kadhaa waandike matendo yake ilikuwa ni ili baadaye vizazi vya watu wake, kwa msaada wa Roho wake waelewe kuwa Yeye ni nani, jinsi ya kuwa na ushirika Naye, na jinsi ya kuishi katika namna itakayompa heshima na kuleta furaha kubwa kabisa kwetu kama watu wake (2 Tim. 3:16-17).

Kwa kuwa neno la Mungu mara zote limekuwa muhimu kwa Wakristo—na ndivyo lilivyo na kwa kuwa linatupa picha ya wazi ya kuwa Mungu ni nani, inakuwa muhimu kwamba tujifunze jinsi ya kujilisha neno mara kwa mara katika nafsi zetu. Tukiwa na jambo hili, hapa kuna aya tano kutoka katika Maandiko zinazosisitiza hakika fulani ambazo sisi kama Wakristo tunazo. Hakika hizi ni muhimu kwetu kuzijua ili tuweze kukua na kuwa imara katika maisha ya Kikristo. Nilijifunza hakika hizi miaka mingi iliyopita nilipokuwa nafanya kazi baharini na tangu wakati huo zimekuwa zikinisahihisha, kunikemea, na kunitia moyo kwani ni kweli kuu sana. Ilikuwa ni katika aya hizi ndipo nilipojifunza kwa mara ya kwanza jinsi ya kutafakari Maandiko na nakushauri na wewe ujaribu kufanya hivyo pia.

Lakini tuna maana gani tunaposema “kutafakari”? hapa hatuzungumzii kumwaga kila kitu katika akili zetu tunachofikiri (jambo ambalo hata hivyo haliwezekani), lakini tuna maana ya kujaza akili yetu na neno la Mungu kwa kulifikiria kwa makini na kwa undani, huku tukimwomba Mungu atupe ufahamu katika jambo hili.

Hapa nina maswali kadhaa ambayo unaweza kujiuliza katika aya yoyote ili uweze kuingia ndani kwa kina na kupata uzima.

1. Je kuna dhambi ya kuacha?:
2. Je kuna ahadi ya kuidai?
3. Je kuna mfano wa kuiga?
4. Je kuna kosa la kuepuka?
5. Je kuna jambo jipya kuhusu Kristo au Roho Mtakatifu?

Jaribu kukumbuka maneno haya kwa njia rahisi jinsi utakavyoweza na pengine maswali yafuatayo hapa chini Yanaweza kukusaidia zaidi:

1. Ni jambo gani ambalo nililipenda au sikulipenda katika aya hii?
2. Aya hii inanifundisha nini kuhusu Mungu?
3. Aya hii inanifundisha nini kuhusu mimi mwenyewe na wengine?
4. Je, kuna lolote katika aya hii nisilolielewa na ningehitaji ufafanuzi?
5. Mungu anasema nini na mimi kuhusu aya hii?

Hapa kuna maswali mengine,

1. Aya hii inanifundisha nini mimi kuhusu Mungu?
2. Aya hii inanifundisha nini kuhusu mimi na mahusiano?
3. Aya hii inanifundisha nini kuhusu wokovu na kumwishia Mungu?
4. Aya hii inanifundisha nini kuhusu vita ya kiroho?

Wakati wa kutafakari na kujiuliza maswali haya, watu wengi wamegundua kwamba inasaidia sana kukariri aya kisha kutafakari juu ya kila neno lililoko kwenye aya husika. Kwa mfano, katika Wagalatia 2:20, Paulo anasema,

Nimesulubiwa pamoja na Kristo ila si mimi ninayeishi, bali ni Kristo anaishi ndani yangu. Kwa hiyo uhai nilio nao katika mwili, ni kwa sababu ya uaminifu wa Mwana wa Mungu, aliyenipenda akayatoa maisha yake kwa ajili yangu.

Namna ya kuanza kutafakari mstari huu, baada ya kuisoma aya na muktadha wake mara kadhaa, ni kusisitiza kila neno ili uweze kupata ujumbe katika hiyo aya mara kadhaa. Kisha, katika hali ya maombi fupisha hiyo aya kwa maneno yako mwenyewe na kumwomba Mungu akupe ufunuo juu ya umuhimu wake kwako na kwa wengine. Hakikisha ufupisho wako unakubaliana na mstari huo katika muktadha wake. Hili linawezekana pia kwa kusoma ule muktadha tena kwa kulinganisha na aya nyingine za Paulo na zilizoko katika Biblia.

Ukishafanya haya na hakika zinazofuata, unaweza kumsaidia mtu mwingine kutafakari pia. Katika mazungumzo yanayofuata nitaorodhesha mstari unaohusiana na uhakika na kisha kukushirikisha tafakari fupi na rahisi katika aya husika. Lengo hapa ni kumtia moyo mwamini mpya.

Masomo kuhusu Uhakika

Roho mwenyewe hushuhudia pamoja na roho zetu kuwa sisi tu wana wa Mungu (Rum. 8:16)

Uhakika wa Wokovu – 1 Yoh 5:11-12

4Na huku ndiko kushinda kuushindako ulimwengu, hiyo imani yetu. Mwenye kushinda ulimwengu ni nani, isipokuwa ni yeye aaminiye ya kwamba Yesu ni Mwana wa Mungu? Huyu ndiye aliyekuja kwa maji na damu, Yesu Kristo; si katika maji tu bali katika maji na katika damu. Naye Roho ndiye ashuhudiaye, kwa sababu Roho ndiye kweli. Kwa maana wako watatu washuhudiao, Roho na maji na damu, na hawa watatu hupatana kwa habari moja. Tukiupokea ushuhuda wa watu, ushuhuda wa Mungu ni mkuu zaidi, kwa maana huu ndio ushuhuda wa Mungu kwamba amemshuhudia Mwanawe. [Yeye amwaminiye Mwana wa Mungu anao huo ushuhuda ndani yake. Asiyemwamini Mungu amemfanya kuwa mwongo kwa kuwa hakuuamini huo ushuhuda ambao Mungu amemshuhudia Mwanawe.] Na huu ndio ushuhuda kwamba Mungu alitupa uzima wa milele; na uzima huu umo katika Mwanawe. Aliye naye Mwana anao huo uzima, asiye naye Mwana wa Mungu hana huo uzima. Nimewaandikia ninyi mambo haya, ili mjue ya kuwa mna uzima wa milele, ninyi mnaoliamini jina la Mwana wa Mungu.

Mazingira: Yohana aliandika waraka huu kukabiliana na walimu wa uongo ambao walifundisha kwamba Kristo hakuwa mwanadamu kweli, lakini alionekana tu hivyo. Tatizo hapa ni kwamba, kama hakuwa kweli mwanadamu asingeweza kufa kwa ajili ya dhambi zetu, yaani, kufa kwa ajili yetu. Lakini ubatizo (maji) wake na kifo (damu yake) pamoja na Roho Mtakatifu—hawa wote wanaonyesha kuwa alikuwa mwanadamu kweli (na Mungu kweli) na kwamba alikufa kwa ajili ya dhambi zetu.

Mafundisho: Yohana ana uhakika juu ya uzima wa milele kwa ajili yetu; hana wasiwasi wala mashaka na anasema kwamba huu ni ushuhuda wa Mungu mwenyewe. Angalia hapa kwamba ni uzima ambao Mungu ametupa na kwamba uzima huu unahusu kuwa na Yesu moyoni. Hakuna eneo la katikati. Ni ama mtu awe na Mwana ili awe na uzima au mtu asiwe na Mwana na akose uzima. Tunapaswa pia kukumbuka kwamba uzima unapokelewa kwa kuamini na sio kwa matendo mema (Warumi 4:1-8; Waefeso 2:8-9). Mwisho, angalia uhusiano kati ya Yohana kuwaandikia na wao kujua kuwa wana uzima wa milele (mst. 13): kwa ajili yetu, tunapaswa kukumbuka kwamba uhakika wa wokovu huja kimsingi kupitia katika kumsikiliza Mungu katika Maandiko kwa jinsi Roho wake anavyoweka neno lake katika mioyo yetu.

Uhakika wa Msamaha—1Yohana 1:9

1:5 Na hii ndiyo habari tuliyoisikia kwake, na kuihubiri kwenu, ya kwamba Mungu ni nuru, wala giza lolote hamna ndani yake. 1:6Tukisema kwamba twashirikiana naye, tena tukienenda gizani, twasema uongo, wala hatuifanyi iliyo kweli. 1:7Bali tukienenda nuruni, kama yeye alivyo katika nuru, twashirikiana sisi kwa sisi, na damu yake Yesu, Mwana wake, yatusafisha dhambi yote. 1:8Tukisema kwamba hatuna hatia ya dhambi, tunajidanganya wenyewe, wala kweli haimo ndani mwetu. 1:9Lakini tukiziungama dhambi zetu, Yeye ni mwaminifu na wa haki hata atuondolee dhambi zetu, na kutusafisha na udhalimu wote. 1:10Tukisema kwamba hatukutenda dhambi, twamfanya yeye kuwa mwongo wala neno lake halimo ndani mwetu. 2:1(Watoto wangu wadogo, nawaandikia haya ili kwamba msitende dhambi.) Na kama mtu akitenda dhambi tunaye Mwombezi kwa Baba, Yesu Kristo mwenye haki, 2:2naye ndiye kipatanisho kwa dhambi zetu; wala si kwa dhambi zetu tu, bali na kwa dhambi za ulimwengu wote.

Mazingira: Kuna uhusiano gani kati ya madai yetu kuwa tunamjua Mungu na jinsi tunavyoishi? Ni nini tunachokifanya tunapotenda dhambi? Haya ni baadhi tu ya maswali ya msingi ambayo Yohana alikuwa akijaribu kuyajibu hapa katika 1 Yohana 1:5-2:2

Mafundisho: Yohana anaposema kuwa Mungu ni nuru, hapa anaangazia usafi wa Mungu wa maadili na utakatifu. Sisi kama Wakristo tunapaswa kulielewa hili ili tuweze kufahamu uhusiano uliopo kati ya kudai kuwa tunamjua Mungu na jinsi tunavyoishi. Kwa bahati mbaya, utamaduni wa kizazi kipya ambao tunaishi hauoni uhusiano hasa kati ya hali ya kiroho na namna tunavyoishi ambapo upendo ndicho kipimo. Wakati fulani nilikuwa na mwanamke fulani katika kikundi chetu cha kujifunza Biblia ambaye alitangaza kuwa anamjua Kristo, lakini aliendelea kufanya zinaa na dhambi zingine. Huenda alitudanganya kwa kitambo, ingawa baadaye tulimgundua, lakini kwa hakika hakumdanganya Bwana. Kwa maisha yake alidanganya kwa kile alichokuwa akikisema. Tunapaswa kutambua kwamba, kama tunamjua Mungu, tutaonyesha ushahidi wake katika maisha yetu. Kwa upande mwingine, kama tunadai kuwa tunamjua Mungu halafu tunaishi kama Shetani, hapa tena tunadangaya kile tunachokisema. Kristo ndiye mfano wa utakatifu ambao tunapaswa kufuata.

Jambo jingine tunaloliona katika 1 Yoh. 1:5-2:2 ni kwamba hakuna mahali katika maisha haya ya Kikristo ambapo kuna ukamilifu kabisa. Mtu yeyote anayedai kuwa mkamilifu bila dhambi yoyote, Yohana anatuambia kuwa anajidanganya, na hana kweli ndani yake na anapotosha ukweli wa Mungu. Hakuna mtu miongoni mwetu atakayekuwa mkamilifu hadi tutakapotukuzwa (linganisha na 1 Yoh. 3:2-3). Kwa kweli hata tunapokuwa katika ushirika wa sisi kwa sisi, bado tunaihitaji damu ya Yesu (Roho anatumia manufaa ya kifo cha Yesu) ili kuondoa dhambi zetu.

Kwa hiyo sisi kama Wakristo, tunaishi katika changamoto ya kutaka kumpendeza Mungu na mara nyingine kumhuzunisha tunapotenda dhambi. Hivi tunaishije ili kukabili dhambi yetu? Je huwa tunatafuta vitabu kwa ajili ya msaada binafsi? Je tatizo letu ni kukosa maarifa tu? Je tunajificha chini ya mkeka? Au tunasema, “Ah, mimi ndivyo nilivyo tu?” au “Wakati ule nilibanwa, n.k.”? Yohana anasema tunapaswa kuziungama dhambi zetu, yaani, tuziungame dhambi zile ambazo hazionyeshi kuwa tunahusiana vizuri na Mungu “ambaye ni nuru” na ambaye ndani yake “hakuna giza.”

Yohana pia anasema anawaandikia watu wa Mungu ili kwamba wasitende dhambi (2:1). Hapa tena kuna uhusiano kati ya neno la Mungu lililoandikwa na maisha ya kiroho na ukuaji wa Wakristo. Hili ni lazima tulikumbuke. Waraka huu usingewafaa wasomaji wake, yaani, Roho hangeweza kuutumia kama njia ya neema, kama wangeshindwa kusoma, kuutafakari kwa makini, kuelewa, na kuutendea kazi.

Angalia kinachotokea tunapoungama dhambi zetu: zinasamehewa na sisi tunatakaswa, yaani, dhamiri na fikra zetu zinatakaswa na kuwekwa huru. Hii ndiyo namna ya kushughulikia dhambi zetu na hii ndiyo namna ambayo Mungu hufanya sisi tunapofanya sehemu yetu.

Mwisho, mara zote husianisha msamaha na kila manufaa ya kiroho kwa Kristo na kazi yake msalabani. Yohana amefanya hivyo na sisi tunapaswa kufanya hivyo. Tuko katika uhusiano ambao umejengwa katika neema ya Mungu na sio nguvu zetu.

Uhakika wa Maombi Yaliyojibiwa—Yohana 16:24

16:19Yesu aliweza kuona kwamba walitaka kumuuliza juu ya mambo haya, akawaambia, “Ndilo mnaloulizana, ya kuwa nalisema, bado kitambo kidogo nanyi hamnioni, na tena bado kitambo kidogo nanyi mtaniona?” 16:20Amin, amin, nawaambia, Ninyi mtalia na kuomboleza, bali ulimwengu utafurahi; ninyi mtahuzunishwa, lakini huzuni yenu itageuka kuwa furaha. 16:21Mwanamke azaapo, yuna huzuni kwa kuwa saa yake imefika; lakini akiisha kuzaa mwana, haikumbuki tena ile dhiki, kwa sababu ya furaha ya kuzaliwa mtu ulimwenguni. 16:22Basi ninyi hivi sasa mna huzuni; lakini mimi nitawaona tena; na mioyo yenu itafurahi, na furaha yenu hakuna awaondoleaye. 16:23Tena siku ile hamtauliza neno lolote. Amin, amin, nawaambia, Mkimwomba Baba neno lolote atawapa kwa jina langu. 16:24Hata sasa hamkuomba neno kwa jina langu; Ombeni nanyi mtapata; furaha yenu iwe timilifu. 16:25 “Hayo nimesema nanyi kwa mithali; saa yaja ambapo sitasema nanyi tena kwa Mithali, lakini nitawapa waziwazi habari ya Baba. 16:26Na siku ile mtaomba kwa jina langu, wala siwaambii ya kwamba mimi nitawaombea kwa Baba; 16:27kwa maana Baba mwenyewe awapenda kwa kuwa ninyi mmenipenda mimi, na kusadiki ya kwamba mimi nalitoka kwa Baba. 16:28Nalitoka kwa Baba, nami nimekuja hapa ulimwenguni; tena nauacha ulimwengu; na kwenda kwa Baba.” 16:29Basi wanafunzi wake wakasema, Tazama sasa wasema waziwazi, wala huneni mithali yoyote! 16:30Sasa tumejua ya kuwa wewe wafahamu mambo yote, wala huna haja ya mtu akuulize; kwa hiyo twasadiki ya kwamba ulitoka kwa Mungu.”

Mazingira: Yesu anakwenda kwa Baba, yaani, wakati wa kutukuzwa kwake kwa njia ya kufa, kufufuka na kupaa umewadia. Atawaacha wanafunzi. Hata hivyo, anawahakikishia wanafunzi wake juu ya uwepo wake kwa njia ya Roho Mtakatifu ambaye baadaye angemtuma kwao (linganisha Yohana 14:26; 15:26; 16:13-14; Matendo 2). Hata hivyo, wanafunzi wana maswali mengi ya kumwuliza. Lakini anawaambia kwamba wanaweza kuuliza kwa jina lake, yaani kwa msingi wa mamlaka na uhusiano wake na Baba. Kwa maneno mengine, wamempenda Mwana wa Baba kiasi kwamba wanaweza kwenda kwa Baba kupitia Mwanawe na Baba atayapokea. Wanaweza kumwomba Baba kwa jina la Mwana, na Baba atajibu maombi yao.

Mafundisho: Angalia mambo matatu kuhusu maombi katika Yn. 16:24. Kwanza, kuna uhakika kwamba tukienda kupitia kwa Mwana (kwa kutambua kuwa yeye ni nani na nafasi yake) tutapokea (I Yoh. 5:14-15). Pili, kutakuwa na furaha kuu inayoambatana na Mungu kujibu maombi yetu, hasa yale maombi yanayoomba kumjua Mungu vizuri zaidi. Tatu, kama Wakristo tunapaswa kutambua kwamba tunakuja kwa Baba, kupitia kwa Mwana, kwa nguvu ya Roho. Maombi ni njia kuu ya kuhusiana na Utatu wa Mungu.

Uhakika wa Kuongozwa—Mithali 3:5-6

3:5Mtumaini Bwana kwa moyo wako wote, wala usizitegemee akili zako mwenyewe; 6katika njia zako zote mkiri yeye, naye atanyoosha mapito yako.

Mazingira: Hakuna mazingira ya ajabu sana katika Mithali 3:5-6 ingawa Mithali 3:1-12 inasisitiza kweli na unyenyekevu, pamoja na kumtumaini na kumheshimu Mungu. Sehemu hii (Mithali 3:1-12) ni sehemu ya kifungu kikubwa zaidi cha Mithali 1 hadi 9., ambapo hekima hudhihirishwa na kuishi katika maadili safi na utauwa, kwa upande mmoja, na kujihadhari na mambo kama uzinzi, tamaa, maisha machafu kwa upande mwingine. Mithali ni misemo “yenye hekima” ambayo kwa kawaida huwa ni kweli. Misemo mingine husema moja kwa moja kile kilicho kweli kabisa ilhali zilizo nyingi husema kile kilicho kweli katika mahusiano ya kibinadamu. Kwa sehemu kubwa hazichukuliwi kuwa kauli za dhati, isipokuwa pale tu ambapo imeelezwa hivyo. Kwa mfano, Mithali 12:24, “Mkono wa mwenye bidii utatawala; Bali mvivu atalipishwa kodi.” Hii kwa jumla ni kweli, lakini sio kwamba ni kweli mara zote. Kuna watu wavivu wanawekwa kwenye utawala na wengine wenye bidii wanatawaliwa na watu wavivu.

Hata hivyo, katika Mithali 3:5-6 mkazo uko katika kumtumaini Mungu na ahadi ni kwamba “atanyoosha mapito yako”. Kama tukichukulia kwamba “atanyoosha mapito yangu” ina maana kwamba Mungu atanipa maisha makamilifu ambayo sitakaa nikutane na mambo magumu, basi hii itakuwa sio sawa; hata hivyo, kwa kusema ukweli, itakuwa sio tafsiri sahihi. Lakini tukielewa kwamba, “atanyoosha mapito yangu” ina maana ya, “atakuongoza kwenye maisha yanayompendeza, kwenye maadili na tabia njema,” basi hii Mithali itakuwa ni sawa. Mungu mara zote atafanya hivi kwa wale wanaoweka tumaini lao kwake kabisa.

Kwa hiyo ngoja nisisitize mambo machache kutoka katika Mithali hii. Kwanza, kumtumaini Mungu ni jambo la msingi katika kuwaongoza watu ambalo Mungu huwapa watu wake. Tunapaswa kudhamiria kumtumaini Mungu kwa ajili ya kupata uongozi wake, kwamba tunataka au la. Hata hivyo, yeye ndiye Mwenye mipango yote. Pili, hatupaswi kumwamini kwa sehemu tu ya moyo, lakini kwa moyo wetu wote, yaani, kwa nguvu zetu zote! Mungu hatatoa uongozi kwa watu wanaocheza-cheza naye.

Tatu, Tumeambiwa “tusizitegemee akili zetu wenyewe.” Watu wengine hufikiri kwamba hii ina maana kwamba Wakristo hawatakiwi kufikiri, ili wasizitegemee akili zao. Sio hivyo kabisa! (Watu hao wanasahau kwamba ni Bwana aliyewapa hizo akili!) Anachomaanisha Sulemani hapa ni kwamba tusizitegemee akili za kibinadamu na uelewa wenye dhambi wa jinsi ya kuishi, yaani hali ya kutokuamini, kana kwamba Mungu hayupo. Akili zetu wenyewe zinasema, “unastahili hiki na kile,” “una haki zako,” “dai haki yako upewe,” “ni sawa kumdanganya mkeo,” “fursa haiji mara mbili, kwa hiyo anayetokea tu, nenda naye, usizubae n.k.” La hasha, hatupaswi kuzitegemea akili zinazofikiri kwa namna hiyo, bali tuzitegemee amri, maagizo na hekima ya Mungu. Tunajua kwamba Kristo alifanyika mtumishi na akafa kwa ajili yetu (Mk. 10:45), kwa hiyo sisi nasi tunapaswa kuyatoa maisha yetu (kwa hekima) kwa ajili ya wengine. Hii ndiyo maana ya kusema “katika njia zako zote mkiri.” Kumkiri Mungu katika njia zetu zote ni kinyume na kuzitegemea akili zetu wenyewe; inahusisha kumtii Mungu katika maeneo yote ya maisha yetu. Hii ndio sababu inahusisha kumtumaini Mungu kabisa.

Uhakika wa Msaada katka Majaribu—1 Wakorintho 10:13

10:1Kwa maana ndugu zangu, sipendi mkose kufahamu ya kuwa baba zetu walikuwa wote chini ya wingu; wote wakapita kati ya bahari; 10:2wote wakabatizwa wawe wa Musa katika wingu na katika bahari; 10:3wote wakala chakula kilekile cha roho; 10:4wote wakanywa kinywaji kilekile cha roho; kwa maana waliunywea mwamba wa roho uliowafuata; na mwamba ule ulikuwa ni Kristo. 10:5Lakini wengi sana katika wao Mungu hakupendezwa nao; maana waliangamizwa jangwani. 10:6Basi mambo hayo yalikuwa ni mifano kwetu, kusudi sisi tusiwe watu wa kutamani mabaya, kama wale nao walivyotamani. 10:7Wala msiwe waabudu sanamu, kama wengine wao walivyokuwa; kama ilivyoandikwa, “Watu waliketi kula na kunywa, kisha wakasimama wacheze.” 10:8Wala msifanye uasherati, kama wengine wao walivyofanya, wakaanguka siku moja watu ishirini na tatu elfu. 10:9Wala tusimjaribu Bwana, kama wengine wao walivyomjaribu, wakaharibiwa na nyoka. 10:10Wala msinung’unike, kama wengine wao walivyonung’unika, wakaharibiwa na mharabu. 10:11Basi mambo hayo yaliwapata wao kwa jinsi ya mifano, yakaandikwa ili kutuonya sisi, tuliofikiliwa na miisho ya zamani. 10:12Kwa hiyo anayejidhania kuwa amesimama na aangalie asianguke. 10:13Jaribu halikuwapata ninyi, isipokuwa lililo kawaida ya wanadamu; ila Mungu ni mwaminifu; ambaye hatawaacha mjaribiwe kupita mwezavyo; lakini pamoja na lile jaribu atafanya na mlango wa kutokea, ili mwezi kustahimili.

Mazingira: Wakorintho walikuwa ni kanisa lililokuwa limesheheni nguvu za kiroho, mamlaka na uhuru binafsi. Kwa kweli waling’aa waliangalia haki zao, kiasi kwamba walikuwa wakiutumia uhuru wa Mkristo wa kweli kiasi kwamba walikuwa wakileta huzuni kubwa kwa Wakristo wengine na kuhatarisha maisha yao ya kiroho pia. Baadhi ya Wakristo walikuwa wakila katika mahekalu ya sanamu kwa kuwa walijua kuwa kitu kama sanamu hakikuwepo. Lakini Paulo anawaambia, kwanza kabisa wako kwenye hatari ya kumkasirisha Bwana, na pili, wanajeruhi dhamiri za Wakristo wengine ambao wanaongozwa kwenda kwenye mahekalu ya sanamu kula lakini hawaelewi kitu (yaani, hakuna kitu kama sanamu) kama jinsi wao wanavyofanya.

Aya hii inaanzia 8:1 na inaenda hadi mwishoni mwa 10:33. Jambo analolisema Paulo hapa ni kwamba uhuru ni mzuri kama ukiongozwa na upendo, lakini unaharibu watu wanaodai kuwa wako huru na wengine kwa kuwa hufanyika katika ubinafsi. Tatizo hapa ni kwamba tunajaribiwa kufanya mambo kwa namna zetu na sio kwa namna ya Mungu. Hatupaswi kufikiri hata mara moja kwamba kwa kuwa tumeokoka basi tunaweza kutenda dhambi (kwa kisingizio cha kuwa huru) na dhambi isikae. Ingawa hatupotezi karama ya Mungu ya uzima wa milele, tunaweza kuyaharibu kabisa maisha yetu (na ya wengine pia). Tunapaswa kukumbuka kwamba tunapojaribiwa, Mungu hufanya mlango wa kutokea, lakini hii haina maana kwamba atatusaidia tu hata pale tunapojiingiza kwenye dhambi kwa makusudi kwa kujua.

Mafundisho: Katika I Wakorintho 10:1-4 Paulo anawakumbukusha mambo mazuri Waisraeli waliyoyapata. Sisi kama Wakristo pia tuna mambo yetu mazuri. Katika I Wakorintho 10:5-10, licha ya hayo mambo mazuri ya Waisraeli, Paulo anawakumbusha jambo Mungu alilofanya kutokana na uasi wao kule jangwani. Matokeo yake yalikuwa mabaya sana. Kisha katika 10:11-12, Paulo anawaambia hawa Wakristo wakaidi kwamba kilichowatokea Israeli ni mfano kwa Wakristo na kichukuliwe hivyo. Kwa kifupi Wakorintho walionywa kwa upendo na ukali pia na, kwa kweli ndivyo wengi walivyo leo. Tusimchukulie Mungu kama “kitu chepesi tu.” Tunapaswa kuwa na heshima kuu kwa ajili ya utakatifu na kujitunza, katika namna ya Kikristo. Sasa ni katika mazingira haya Paulo anazungumza kuhusu majaribu katika 10:13.

Mawazo mengi hujitokeza tunavyopitia kifungu hiki cha 1 Wakorintho 10:13. Kwanza jambo hili linakutana na uzoefu wetu juu ya majaribu kwa nyakati fulanifulani. Huwa inatokea kwa ghafla na inauma. Lakini tunapaswa kutambua kwamba haya majaribu huwa ni “ya kawaida” kama yalivyo kwa wanadamu walioanguka kwa ujumla. Hii haina maana kwamba kila mtu anakabiliwa na majaribu ya aina moja, lakini ni kwamba majaribu huwa ni ya kawaida kwa mwanadamu katika hali yake ya kuanguka katikati ya ulimwengu ulioanguka. Hii ina maana kwamba haya majaribu, pamoja na msaada wenye uaminifu wa Mungu yanaweza kushindwa. Hata hivyo, kutarajia msaada wa Mungu na huku unafanya dhambi na uovu kwa makusudi, kama vile kula chakula katika hekalu la masanamu, ni suala jingine gumu. Kama walivyokuwa wale Waisraeli waliotutangulia, kama tukijihusisha na dhambi hiyo, tunaweza kutarajia adhabu kali tu.

Paulo ni mwepesi kuweka wazi kwamba Mungu ni mwaminifu kutusaidia katika jaribu lolote, na pia anataja hapa namna ambayo Mungu hutuletea huo msaada, yaani kwa kutufanyia “mlango wa kutokea.” Neno hili la “kufanya mlango wa kutokea” ina maana ya “kumaliza hilo jaribu.” Kwa hiyo kuna kipindi maalum cha muda ambao majaribu ambayo Mungu anayaleta yatakaa kwa wakati wake, wakati huo akitusaidia kustahimili (yaani, Mungu ni mwaminifu). Majaribu haya yamekusudiwa yatufundishe kuishi katika namna ambayo itampa Mungu heshima (Yakobo 1:3-5).

Hitimisho

Kuna matumaini kwamba tafakari hizi zitawasukuma wengine kusoma Biblia, kuzitafakari kweli zake, na kupata msaada, maelekezo, ujasiri na maono kwa ajili ya kila siku. Kama umepitia aya hizi, na kujaribu kuziweka katika kumbukumbu, zitamsaidia mtu kufanya hivyo-hivyo. Biblia iliandikwa kwa ajili ya kutuelekeza: “Kwa kuwa yote yaliyotangulia kuandikwa yaliandikwa ili kutufundisha sisi; ili kwa saburi na faraja ya maandiko tupate kuwa na Tumaini”(Warumi 15:4).

Imeandikwa na Greg Herrick na kutafsiriwa kwa Kiswahili na Emmanuel Lyatuu

Greg Herrick anaishi Calgary Alberta, Canada pamoja na mkewe na watoto 4. Ana mzigo wa kufundisha na kulea wengine.

Ni Mchungaji na Ana shahada ya Th.M na PhD kutoka Dallas Theological Seminary

When I read the Book of Acts and attempt to explain the rapid growth of the church the closest analogy I can think of is the current spread of the Covid-19 virus.

I know of a missionary who has been privileged to play a significant role in the explosive expansion of the gospel in a distant land. Because he has witnessed amazing success in evangelism, a number of mission agencies have asked him to come and share the secret to his success. He refuses to take any credit for what he knows is a powerful manifestation of God’s saving grace. Because of his experience, he has come to a whole new way of looking at the Book of Acts. He does not see the great number of conversions to the faith in Acts as the outcome of a strategic plan and program, planned, and executed by the apostles who led the charge. Instead, he sees it as a great and mighty work of God, with the apostles trying to keep up with what God was doing. Now, as I read the Book of Acts, I tend to see it the same way.

Think about this for a moment. At Pentecost thousands suddenly came to faith. Even though the Holy Spirit had given birth to a flourishing church in Jerusalem, the apostles did not form a missions committee to strategize how they would reach the rest of the world for Jesus. That was, after all, the command which our Lord had given them:

Then Jesus came up and said to them, “All authority in heaven and on earth has been given to me. 19 Therefore go and make disciples of all nations, baptizing them in the name of the Father and the Son and the Holy Spirit, 20 teaching them to obey everything I have commanded you. And remember, I am with you always, to the end of the age” (Matthew 28:18-20, NET).

The expansion of the church was not initiated by a missions committee or a missions conference. It was brought about by the persecution of the church, triggered by the death of Stephen (Acts 6:8—8:1; 11:19-21). Most of the church scattered abroad, with the apostles staying behind in Jerusalem (8:1). It was not the apostles who initiated the evangelistic thrust among the Gentiles, but some unknown and unnamed individuals who didn’t know how to keep the gospel to themselves:

19 Now those who had been scattered because of the persecution that took place over Stephen went as far as Phoenicia, Cyprus, and Antioch, speaking the message to no one but Jews. 20 But there were some men from Cyprus and Cyrene among them who came to Antioch and began to speak to the Greeks too, proclaiming the good news of the Lord Jesus. 21 The hand of the Lord was with them, and a great number who believed turned to the Lord (Acts 11:19-21, emphasis mine).

The distressing fact is that the original 11 apostles were not aggressive in taking the gospel to the Gentiles. In fact, they drug their feet in this matter. Peter was reluctant to go to the home of Cornelius (Acts 10:9-16), but when he did and the Gentiles there came to faith, his fellow-apostles called him on the carpet for going:

1 Now the apostles and the brothers who were throughout Judea heard that the Gentiles too had accepted the word of God. 2 So when Peter went up to Jerusalem, the circumcised believers took issue with him, 3 saying, “You went to uncircumcised men and shared a meal with them” (Acts 11:1-3).

Even though Peter’s explanation was compelling, and his fellow-apostles had to recognize that God had chosen to save Gentiles, as well as Jews, their profession and their practice were not consistent:

When they heard this, they ceased their objections and praised God, saying, “So then, God has granted the repentance that leads to life even to the Gentiles” (Acts 11:18).

It was Paul, and men like Barnabas and Silas, Timothy, and Luke who became the frontrunners in taking the gospel to the Gentiles.

So, what does all this have to do with Covid-19 and evangelism? Simply this. Think of how the Covid-19 virus is being spread today. People do not deliberately go out, seeking to spread the virus to many others. They simply go about their lives as usual, and when they come into contact with others, the virus is unknowingly spread abroad. There are no classes, teaching people how to spread the virus. This is no need for them. The virus has a life of its own, and is spread by social contact as people go about their lives as normal.

Ideally – and certainly as we see it in the Book of Acts – the gospel was quickly spread abroad by people who went about, living their lives in contact with other people. These saints did not begrudgingly spread the gospel, nor was their evangelism the execution of a particular plan or script. (Mind you, I’m not saying that these methodologies and strategies are wrong, but they are not ideal, in my opinion.) I believe that Christians went about, filled with the Holy Spirit, and living in joyful fellowship with other believers. Their joy simply overflowed, and because their new-found salvation was so life-transforming they just couldn’t help but tell others about it. For them, evangelism was the result of the overflow of joy and praise to God that others observed, and “caught.”

44 All who believed were together and held everything in common, 45 and they began selling their property and possessions and distributing the proceeds to everyone, as anyone had need. 46 Every day they continued to gather together by common consent in the temple courts, breaking bread from house to house, sharing their food with glad and humble hearts, 47 praising God and having the good will of all the people. And the Lord was adding to their number every day those who were being saved (Acts 2:44-47).

The joy-filled faith of new believers overflowed in unity, and in generosity toward those in need:

32 The group of those who believed were of one heart and mind, and no one said that any of his possessions was his own, but everything was held in common. 33 With great power the apostles were giving testimony to the resurrection of the Lord Jesus, and great grace was on them all. 34 For there was no one needy among them, because those who were owners of land or houses were selling them and bringing the proceeds from the sales 35 and placing them at the apostles’ feet. The proceeds were distributed to each, as anyone had need (Acts 4:32-35).

It is now common to hear or read of some video that has “gone viral.” I believe that the gospel went viral in the Book of Acts. And I pray that the gospel will once again go viral, making a global impact, because Spirit-filled Christians cannot be silenced, or their faith concealed. May it be so, to the glory of God and the salvation of many. Will you intentionally be a part of sharing the gospel and helping make disciples of Jesus as God has commanded (Matthew 28:19-20)?

“Tunaamini kwamba wokovu ni zawadi ya Mungu na mwanadamu huipokea kwa imani binafsi katika Yesu Kristo na kujitoa ili kusamehewa dhambi. Tunaamini kwamba mwanadamu huhesabiwa haki kwa neema kwa imani na si kwa matendo (Matendo 13:38-39, Warumi 6:23, Waefeso 2:8-10). Tunaamini kwamba waamini wote wa kweli, wakishaokolewa, huhifadhiwa salama milele (Warumi 8:1, 38-39; Yohana 10:27-30).”

Wokovu ni neno rahisi ambalo linajumuisha dhana nyingi—dhana ambazo haziwezi kueleweka kikamilifu kwa akili ya kawaida. Je, wokovu ni kwa ajili tu ya kuikimbia jehanamu? Je, ni bima ya maisha? Je, ni jambo ambalo Mungu alihitaji kulifikiria wakati Adamu na Hawa walipomwasi? La hasha, Maandiko yanatufundisha kwamba mungu aliupanga wokovu wetu kabla ya msingi wa ulimwengu, kwa sababu kwa kuwa anajua mambo yote, alijua kwamba mwanadamu atauhitaji sana.

Hitaji la Mwanadamu

1. Kifo cha Kiroho-kutengwa na Mungu (walijificha na waliogopa)
2. Kifo cha kimwili
3. Asili ya dhambi iliyorithiwa na wazao wao wote.

Asili ya mwanadamu iliharibika au kupoteza thamani:

Fikra: 2 Wakorintho 4:4, Warumi 1:28
Maamuzi: Warumi 1:28
Dhamiri: 1 Timotheo 4:2
Moyo: Waefeso 4:18
Hali nzima ya mtu: Warumi 1:18-3:20

“Hali nzima ya mtu ina maana kwamba uharibifu wa dhambi unaenezwa kwa watu wote na inaenea katika maeneo yote kiasi kwamba hakuna kitu katika mwanadamu wa kawaida ambacho kinaweza kumfanya akubalike mbele za macho ya Mungu.” –Charles Ryrie

Mapaji ya Mungu

Ahadi na Picha

Kwa karne zote ambazo Agano la Kale lilipitia Mungu alitoa ahadi na mifano au picha za Mwokozi ambaye atamtoa baadaye kwa ajili ya wokovu wetu. Ahadi ya kwanza ilikuwa ni Mbegu ya mwanamke, ambaye Shetani angemjeruhi lakini mbegu hiyo baadaye ingemwangamiza shetani (Mwanzo 3:15).

Kisha aliwapa picha ya jambo ambalo Mwokozi angelifanya. Mwanzo 3:21: kila mnyama aliyetolewa sadaka katika Agano la Kale alimlenga Yesu Kristo. Kila madhabahu iliulenga msalaba.

Kutimilika kwa Kristo

Yesu Kristo ambaye ni Mungu-Mwanadamu, alikuwa ni Mungu katika mwili wa kibinadamu, ili aweze kuishi maisha yasiyokuwa na dhambi, akamwaga damu yake kwa ajili ya dhambi za watu wote, akafufuka kutoka kwa wafu na kisha kurudi mbinguni kuwa Mwombezi wetu.

Mambo yaliyokamilishwa na Kifo cha Kristo

Mbadala

Kuwa Mbadala ni maana kuu ya Kifo cha Kristo

Anti kwa kiyunani ina maana ya “kukaa badala ya” (Mathayo 20:28, Marko 10:45)

Huper ina maana ya “Kwa faida ya” au “kwa nafasi ya” (2 Wakorintho 5:21, 1 Petro 3:18). Yesu alikuwa Mbadala wetu kwa kuwa alikufa kwa ajili yetu. Alikuwa anatuwakilisha alipowambwa pale msalabani.

Mungu aliupenda ulimwengu kwa upendo ambao unaweza kupimwa kwa uwezo wake usiopimika wa kupenda. Mungu anawapenda viumbe wake kiasi kwamba anatutaka tuunganishwe naye. Alituumba ili tuwe na ushirika Naye. Lakini ushirika huo unashindikana kwa sababu ya dhambi ya mwanadamu. Adhabu yake ni kifo cha kiroho na cha kimwili. Mungu ndiye Mwamuzi aliyeitangaza hiyo adhabu. Tabia ya Mungu ni kwamba hawezi kutenda bila haki yote. Mwanadamu akiwa katika hukumu ya kifo, hana anachoweza kufanya kwa juhudi zake mwenyewe ili kuiepuka hiyo hukumu ya kifo. Kwa hiyo Mungu mwenyewe alikuja kuichukua hiyo adhabu kwa ajili ya mwanadamu wa kiume na wa kike aliyempenda. Yesu Kristo alikuja kwa hiari yake kufa kwa niaba yetu, kwa dhambi zetu na kwa faida yetu. Alichukua adhabu kamilifu kwa ajili ya kifo cha kimwili na kiroho.

Ni kwa nini yeye alikuwa ndiye mbadala mkamilifu?

Mwanadamu—angeweza kufa kwa ajili ya mwanadamu: mwenye thamani ileile, lakini sio kama ya wanyama.

Asiye na dhambi—aliweza kufa kwa ajili ya dhambi, lakini sio dhambi zake.

Mungu asiyepimika—aliweza kufa kwa ajili ya dhambi zisizohesabika.

Je, hii ina maana gani kwangu na kwako? Kama nadaiwa dola 100,000 na sina kitu cha kulipa, na mtu mwingine akanilipia deni langu, mimi sihitaji kulipa tena. Ninakuwa sina deni tena. Kwa kuwa Yesu alinilipia adhabu kwa ajili ya dhambi zangu, sina haja ya kulipia tena adhabu hiyo—kama nikimpokea kama Mbadala wangu na kuachana na mawazo ya kufanya matendo mema ili niweze kukubalika na Mungu.

Ukombozi

Agorazo: Ina maana ya kununua au kulipa bei ya kitu.

Ina maana ya kulipa kile ambacho dhambi yetu ilidai ili sisi tuweze kukombolewa (I Petro 2:1, walimu wa uongo; 1 Wakorintho 6:20, 7:23; Ufunuo 5:9).

Exagorazo: Ina maana ya kununua kutoka sokoni

Wagalatia 3:13, 4:5: Kifo cha Kristo sio tu kwamba kililipa gharama ya dhambi lakini pia kilituondoa kwenye soko la dhambi ili kutupa uhakika kamili kwamba hatutarudishwa tena kwenye utumwa wa dhambi. Hatutauzwa tena kama watumwa wa dhambi.

Lutroo: Kufungua-kuweka huru

Tito 2:14, I Petro 1:18: Ni kuachiliwa na kuwekwa huru katika hali nzima ya kulipiwa. Mafundisho juu ya ukombozi yana maana ya kwamba kwa kumwagwa damu ya Kristo, waamini wamenunuliwa, wametolewa kutoka katika utumwa na kukombolewa.

Je, hii ina maana gani kwangu na kwako leo? Wewe na mimi tumewekwa huru kutoka katika mambo yetu ya zamani, kutoka katika utumwa wa bwana wetu wa zamani, Shetani, kutoka katika namna zetu za dhambi tulizoishi kwazo. Bei iliyolipwa kwa ajili yetu ilinunua uhuru wetu milele kutoka katika soko la watumwa na kamwe hatutakuwa tena jinsi tulivyokuwa zamani. Uhuru huu ndio urithi wangu katika Kristo.

Upatanisho

Kupatanisha ina maana ya kubadilisha kutoka hali ya uadui kwenda kwenye urafiki. Upatanisho kwa njia ya mauti ya Kristo ina maana kwamba hali ya mwanadamu ya kutengwa na Mungu inabadilishwa na sasa mwanadamu anaweza kuokoka (2 Wakorintho 5:19-21). Msingi wa upatanisho wetu ni mauti ya Kristo (Warumi. 5:10-11). Ni lazima tuweke sawa hapa kwamba ni mwanadamu tu ndiye anayebadilishwa. Mungu huwa habadiliki kamwe.

Hili jambo lina maana gani leo? Mungu sio adui yetu. Mungu huwa hakai pale akisubiri kwamba tutengeneze uadui tena. Yeye ni Rafiki yetu. Anatutaka tuuamini huo urafiki. Hawezi kutuachia sisi ambao tumeweka imani yetu katika Kristo Yesu.

Kipatanisho

Neno hili linatokea mara tatu katika matoleo kadhaa ya Biblia: Warumi 3:25; 1 Yohana 2:2, 4:10. Neno hili linajitokeza pia katika hali ya kutenda. Limetafsiriwa kwamba ni “kufanya upatanisho.”

Maana nzuri inaelezea kuwa ni mtu anayeondosha ghadhabu (ya Mungu).

Katika hali ya kitendo inapatikana katika Waebrania 2:17 na Luka 18:13.

Neno Hilasterion katika Kiyunani lilitumika katika nakala za kale za Maandiko kuelezea kiti cha rehema. Kifuniko cha Sanduku la Agano kilitengenezwa kwa dhahabu. Makerubi wawili waliangaliana na kuangalia chini wakikitazama kiti cha rehema. Shekinah, utukufu wa Mungu ulilikalia Sanduku. Kwenye Siku ya Upatanisho, Kuhani Mkuu alinyunyiza damu katika mfuniko kwa ajili ya dhambi za watu. Mungu alipoiona damu, aliachilia rehema badala ya hukumu. Haki yake ilipatikana. Kuleta kipatanisho ilimaanisha kumridhisha Mungu. Ni kwa nini Mungu anataka kusuluhishwa? Mungu amemkasirikia mwanadamu kwa sababu ya dhambi yake (Warumi 1:18, Waefeso 5:6). Damu ya Yesu iliyomwagika ilitupatanisha na Mungu (Warumi 3:25), na kuepusha ghadhabu yake na hili limetuwezesha kupokelewa katika familia yake, sisi ambao tumeweka imani yetu katika Yule aliyempendeza. Ukuta ambao dhambi iliujenga kati ya Mungu na mwanadamu umebomolewa. Upatanisho umefanywa kwa ulimwengu wote (I Yohana 2:2). Kusema kwamba Mungu amepatanishwa na sisi ina maana kuwa ameridhika.

Je, hili lina maana gani kwako na kwangu leo? Hatuhitaji kufikiri jinsi ya kulipia makosa yetu tuliyoyafanya. Nia yetu ya kufanya matendo mema, kutoa sadaka au kujitolea katika mambo mbalimbali sio kumpatanisha Mungu na sisi, lakini ni kwa sababu mioyo yetu imejawa na shukrani. Mungu ameridhika kabisa na upatanisho alioufaya Yesu Kristo.

Kuhesabiwa Haki—kuokolewa kutoka katika adhabu ya dhambi.
Kuhesabiwa Haki: tendo la mara moja tu.

Warumi 3:26, 5:1: Hili ni kama Tamko la ki-mahakama kwamba HAKUNA HATIA. Hakuna uwezekano wa kuhukumiwa huko mbeleni (Warumi 8:1). Hiyo ni nusu tu ya kwanza. Kisha Mungu anatupatia haki ya Kristo. Anatuhesabu kuwa tu wenye haki. Maisha makamilifu ya Kristo na kifo chake kwa ajili ya upatanisho ndio msingi wa kuhesabiwa haki kwa imani pekee. Tunapoamini, yote yaliyo ya Kristo, Mungu huyahesabia kwetu; nasi tunasimama tukiwa hatuna hatia. Hatuhesabiwi haki tu kwa kuwa tunaamini—hii ingefanya imani yetu iwe ndiyo imefanya kazi. Imani ni mkono mtupu ambao unampokea Mwokozi.

Kwa nini ni muhimu kwa sisi kuelewa kuwa ni watu waliohesabiwa haki? Hii haimaanishi kwamba hatuwezi kutenda dhambi tena. Huwa tunatenda dhambi. Na huwa tunakutana na madhara ya dhambi hapa hapa duniani kwa dhambi tulizozifanya. Lakini HAKUNA HUKUMU YA ADHABU MILELE. Jambo hili linapaswa litupe ujasiri katika mahusiano yetu na Mungu. Mungu hawezi kusema uongo. Kama akisema, “Huna hatia” na “Hakuna adhabu,” anasema ukweli na tunaweza kuishika ahadi Yake.

Namsikia Mshitaki akinguruma
Kwa mambo niliyoyafanya
Nayajua na mengine elfu nimefanya
Yehova hakuyaona!

Utakaso—kuokolewa kutoka nguvu ya dhambi
Utakaso: mchakato endelevu

1 Wathesalonike 4:3, 1 Petro 1:16

Kwenye Nafasi: Mwamini ametakaswa katika nafasi yake kwenye familia ya Mungu.

Kwa uzoefu: Kuendelea kutakaswa katika maisha ya kila siku (1 Petro 1:16)

Dhambi haitatutawala kama tutatambua kwamba tunaongozwa na Roho Mtakatifu. Ataendelea kutuweka huru kutoka katika matendo yetu ya nyuma. Atatupa nguvu ya kukataa vishawishi kwa kuwa tumemruhusu atuongoze. Je, unaziona safu zilizoko katika wokovu wetu? Mungu amekwishatengeneza mazingira ambayo yatatuwezesha kuishi maisha yanayompendeza yeye. Mungu tayari ameshatunza dharura yoyote inayoweza kutokea. Kwa hali hii tunaweza kuendelea kukua katika Kristo katika siku zote za maisha yetu.

Kutukuzwa—kuokolewa na uwepo wa dhambi
Kutukuzwa: tendo la mara moja

I Yohana 3:1-3; 1 Wakorintho. 15:35-56: Tutapokea miili yetu ya ufufuo, kama mwili wa Kristo. Hauna asili ya dhambi. Ni vigumu hata kuwaza jinsi miili hiyo ilivyo, tunaweza? Hii ni hali yetu ya baadaye. Ndio maana tunatakiwa kuyaangalia maisha yetu hapa duniani yenye mateso, maumivu, huzuni na majenzi kupitia dirisha ambalo tunauona Umilele. Miaka 30, 40, 50, 60, 70 au 80 hapa duniani ni kitu kidogo sana ukilinganisha na miaka ya milele. Miaka hii Mungu ametupa ili tuitumie kujiandaa kwa ajili ya maisha ya milele. Maamuzi tunayoyafanya hapa, chaguzi na vipaumbele vyote vinabeba sura ya maisha ya baadaye. Tunapaswa kuacha kuishi kana kwamba maisha ya hapa duniani ndio maisha pekee. Sisi tuliompokea Kristo ni watoto wa Mungu, kwa hiyo tunalindwa, Tunapendwa na tumehakikishiwa urithi wa mbinguni.

Kuzaliwa Upya: Kuzaliwa mara ya pili, kuzaliwa na Mungu, Kuzaliwa kwa Roho

Yohana 3:3, 7; 1 Petro 1:3, 23; Yohana 1:13; Tito 3:5: Mara tu tunapomwamini Kristo tunapewa uzima (maisha mapya) wa milele: ambao ni maisha ya Mungu katika moyo wa binadamu. Uzima huu ni wa mara moja na haufutwi wala kurudiwa. Ni kuwa hai kutoka wafu na kupata kwa ubora kabisa maisha na kusudi jipya la kuishi (2 Wakorintho 5:15, 17).

Msamaha wa dhambi

Waefeso 1:7, Yohana 1:29: Msamaha ina maana ya kuondolewa, kama ilivyokuwa kwa kondoo wa kafara kwenye Mambo ya Walawi 16.

Msamaha wa Mungu sio sawa na misamaha yetu. Mungu alijua kwamba sisi hatuwezi kujisikia kukubalika naye au kuwa huru kumtumikia ikiwa ndani yetu tumebeba hatia na hukumu kwa sababu ya dhambi zetu za zamani katika dhamiri zetu. Alijua kwamba dhambi zetu zinapaswa kuondolewa kabisa. Hilo ndilo Yesu alilolifanya kwa kuichukua adhabu yetu. Hii ni kweli na sio kwa ajili ya dhambi tulizozifanya kabla ya kumpokea Kristo, bali kwa ajili ya dhambi tutakazofanya leo na kesho.

Msingi wa Kutakaswa kwa Mwamini

Damu ya Kristo iliyomwagika mara moja tu ndio msingi wa kutakaswa kwetu mara kwa mara kutoka dhambi (1 Yohana 1:7-9). Uhusiano wetu wa kifamilia unashikiliwa na kifo chake; ushirika wetu hurejeshwa kwa kuungama kwetu.

Je, hili lina maana gani kwetu? Hii ina maana kwamba mambo ya kale yalishasamehewa na tunaweza kuendelea kutembea na Mungu kuanzia sasa. Kuungama hapa ina maana ya kukubaliana na Mungu, ya kwamba akisema hii ni dhambi na sisi tunasema hii ni dhambi. Usianze kuitetea: Ooh nilikasirishwa, nilimjibu hivyo kutokana na tabia yake chafu; nina mume asiyejituma n.k Wewe sema, Nilidanganya, Niliiba, Nilimsema vibaya, Nilimjeruhi, Nilikosa upendo. Kiri au ungama jambo kama lilivyo. Kisha Mungu husamehe kwa sababu Yeye ni mwaminifu na wa haki. Mwaminifu maana yake ni kwamba, kwa kuwa alisema, basi atafanya. Wa Haki maana yake ni kwamba kwa kuwa adhabu ililipwa na Mwanaye, atakuwa sio wa haki kutudai tulipe tena. Hili ndilo jambo linalotokea Mungu anapotusamehe dhambi zetu.

Atazitua nyuma yako—Isaya 38:17
Hatazikumbuka—Yeremia 31:34
Ataziweka Mbali nawe—Zaburi 103:12, Mika 7:19
Hizo dhambi hazipo—Isaya 43:25-44:22
Dhamiri imetakaswa—Waebrania 9:14, 10:22

Je, wewe na mimi tunawezaje kuyaona haya? Tunapoziungama dhambi zetu, tunapaswa kuamini kwamba Mungu amesamehe na kututakasa, kisha kwa kuamua tu, tunaupokea msamaha Wake.

Nimemwona Mungu akiwafungua watu kutokana na hatia na aibu ya dhambi zilizopita kwa tendo hili rahisi tu. Hili linaonyeshwa kupitia mwanamke aliyefanya uzinzi mara moja.

Asili ya dhambi imehukumiwa

Warumi 6:1-10, 14: Kifo hakina maana ya kwisha au kumalizika, lakini ni kutenganishwa. Kusulubiwa kwa Mkristo pamoja na Kristo ina maana ya kutengwa na utawala wa dhambi katika maisha yake. Asili ya dhambi haifanyi tena kazi katika maisha yake. Kusulubiwa pamoja na Kristo pia ina maana ya kufufuka pamoja naye kuyaingia maisha mapya. Warumi 6:4: Matendo ya kihistoria ya Kifo cha Kristo na kufufuka vinakuwa sehemu ya historia yetu wakati tunapookoka. Utawala wa asili yetu ya dhambi unaangushwa na kifo cha Kristo nasi tunakuwa huru kuishi maisha yanayompendeza Mungu.

Jambo hili lina maana gani kwetu leo? Mkanda unaotuunganisha sisi na asili ya dhambi unakuwa umekatwa. Sasa tunaweza kukaa chini ya utawala wa Roho Mtakatifu na kumruhusu atengeneze tabia mpya ndani yetu. Nguvu ya dhambi za zamani kama tamaa, wivu, uzinzi, uchoyo, hasira, matusi na mengine—yanaweza kuvunjwa na tukatambua kwamba tumefufuliwa pamoja na Kristo ili tuishi maisha ya ushuhuda mzuri. Tumekuwa viumbe vipya (2 Wakorintho 5:17).

Msingi wa kuondolewa dhambi za Kabla ya Msalaba

Je, ni nini ulikuwa msingi wa msamaha kwa watakatifu wa Agano la Kale? Damu ya wanyama hufunika tu dhambi. Lakini Mwana Kondoo wa Mungu anaondoa dhambi ya ulimwengu. Hakuna kushughulikia dhambi kulikofanikiwa kabla ya msalabani. Kifo cha Kristo ndio msingi wa msamaha katika kila kizazi; imani ni njia tu ya kuufikia. Kitu ambacho hatukijui ni kiasi cha imani kilichokuwa kinahitajika katika Agano la Kale. Lakini kwa kuwa Kristo ni Mwana Kondoo aliyechinjwa kabla ya kuwekwa misingi ya ulimwengu (1 Petro 1:20), katika macho ya Mungu ilikuwa tayari imekwishafanyika, kwa kuwa Mungu haathiriwi wala kufungwa na muda. Hata kama watakatifu wa Agano la Kale hawakuwa na ufunuo mkamilifu ambao sisi tunao sasa, walichukua hatua ya imani kufanya kile ambacho Mungu aliwaagiza kufanya. Walileta dhabihu walizoagizwa na walisamehewa kwa sababu Mungu alijua kwamba angewatolea Mwana Kondoo mkamilifu siku moja.

Kukaliwa na Roho Mtakatifu

Yeye hukaa ndani yetu muda wote ili kutuumbia tabia ya Kristo ndani yetu. Hutupa nguvu za kushinda majaribu. Hulitia nuru Neno la Mungu, hutuongoza katika mapenzi ya Mungu. Tunakaliwa na Mungu Mwenyewe (Waefeso 4:6, Wagalatia 2:20, 1 Wakorintho 6:19, Warumi 8:9).

Kuasilishwa (Adoption)

Wagalatia 4:1-5, Warumi 8:14-17: Kuasilisha mtoto. Katika utamaduni huo, mtoto, kwamba amezaliwa katika familia au la, alipewa haki zote na majukumu ambayo yanamkabili katika familia husika.

Sisi ni watoto tuliozaliwa katika familia ya Mungu na kwa kuwasilishwa sisi ni wana na mabinti tulio na haki zote. Kuasilishwa huku kunatupa hadhi mpya.

Matokeo ya kuwasilishwa ni kukombolewa kutoka utumwani, kutoka dhambi na mwili.

Urithi

Hii ni pamoja na kukamilika katika Kristo (Wakolosai 2:9-10), tukiwa na kila baraka ya kiroho (Waefeso 1:3), na uhakika wa kwenda mbinguni (1 Petro 1:3-5)

Mwisho wa Torati

Warumi 10:4, Wakolosai 2:14: Torati humwonyesha mwanadamu hitaji lake la kumhitaji Kristo (Wagalatia 3:21-24), lakini haiwezi kuhesabiwa haki au kukufanya uwe safi. Sisi tunaishi chini ya sheria ya Kristo (Wagalatia 6:20), au sheria ya Roho (Warumi 8:2). Amri zote Kumi zimerudiwa katika Agano Jipya isipokuwa ile ya Sabato.

Je, hili lina maana gani kwetu? Amri Kumi ziliandikwa katika vibao vya mawe. Sheria ya Kristo Imeandikwa katika mioyo yetu na tunakuwa makini kuhakikisha kwamba tunajifunza Neno na kutii miguso ya Roho Wake.

Torati au Sheria inasihi,
Fanya Hivi ukaishi,
Mikono na Miguu hupewi,
Neno jema yaleta Injili,
Hutugusa turuke angani

Kuna watu ambao wanataka kuturudisha tukae chini ya Torati. Mambo mengine wanayotuambia yanaweza kuwa hayana madhara. Lakini mara tu mtu anapoleta sheria ili apime kiwango cha hali yetu ya kiroho, kama vile kutokula nguruwe au kutokunywa kahawa ni lazima tuwe macho. Baadhi ya mawazo haya hutokana na imani potofu, lakini mengine hutokana na Wakristo wanaotaka kupima kuwa mtu wa kiroho yukoje. Usimruhusu mtu yeyote akuweke chini ya Torati. Kristo aliitimiliza Torati kwa kuitii kikamilifu na kisha akachukua adhabu ya wote walioshindwa kuitii.

Msingi wa hukumu ya Shetani

Wakolosai 2:15, Yohana 12:31, Waebrania 2:14: Hukumu zote anazohukumiwa Shetani msingi wake ni ushindi ambao Kristo aliupata msalabani. Shetani ni adui aliyeshindwa.

Hili lina maana gani kwetu? Kabla ya wokovu, tulimilikiwa na ufalme wa Shetani. Tulipompokea Kristo, Mungu alituhamisha na kutuingiza katika Ufalme wa Mwanawe Mpendwa (Wakolosai 1:13). Alikuja akakaa ndani yetu kwa njia ya Roho Mtakatifu. Aliyeko ndani yetu ni mkuu kuliko Huyo aliyeko katika dunia. Usimfikirie sana Shetani. Wewe elewa tu kwamba una adui ambaye ameshindwa ambaye anajaribu kukushika kisigino ili nawe uwe ni Mkristo aliyeshindwa ambaye hana nguvu ya kumshuhudia Kristo. Tambua hila zake bila kunaswa nazo. Wewe sio mali yake tena.

Kwa kiwango gani?

Thamani au kiwango cha kifo cha Kristo ni kubwa sana na haipimiki. Kilikuwa ni kwa ajili ya watu wote na ni kwa muda wote. Lakini kina maana na thamani tu kwa wale wanaomwamini (Yohana 1:29, 3:17; 2 Wakorintho 5:19; 1 Timotheo. 4:10; 2 Petro. 2:1; 1 Yohana 2:2).

Wokovu unapatikanaje?

Kama mara elfu mbili katika Agano Jipya, wokovu unapatikana katika msingi wa imani katika Bwana Yesu Kristo ambaye alikufa kwa ajili ya dhambi zetu (Yohana. 3:16, 1:12; Matendo 16:31). Wokovu ni karama ya bure. Na inapaswa ipokelewe. Hakikisha kuwa mtu anaelewa kabla ya kumfanyia maombi.

Jadili hatari ya kumshinikiza mtu kwa kumwalika kumpokea Kristo.

Ulinzi wa Nje

Ushahidi:

1. Roho Mtakatifu hutuweka katika Mwili wa Kristo—kwa ubatizo (1 Wakorintho 12:13). Hakuna mawazo kwamba tunaweza kuondolewa.
2. Roho Mtakatifu humtia muhuri mwamini hadi siku ya ukombozi (Waefeso 1:13; 4:30). Hii ni alama ya umiliki na mamlaka. Kupoteza wokovu kungekuwa na maana ya kuuvunja muhuri kabla ya siku ya ukombozi.
3. Roho Mtakatifu ni malipo ya awali au arabuni ambayo tunaipokea katika wokovu wetu (2 Wakorintho 5:5, Waefeso 1:14).
4. Ni ahadi ya Yesu (Yohana 10:28-30).
5. Warumi 8:28-39 ndiyo inayoshawishi zaidi na ina maelezo.

Maswali ya Kujifunza

Soma Waefeso 1:3-14; Warumi 8:28-30

1. Wokovu wetu ulipangwa lini? Ni nini kusudi la Mungu kwetu sisi tuliompokea Kristo? Ni nini matokeo yake (6, 12, 14)?

Soma Waebrania 9:22, 26-28; 10:11-14

2. Kwa nini sadaka za kuteketezwa zilitolewa? Kwa nini sadaka za wanyama hazikutosha? Kwa nini sadaka ya Kristo ilikuwa ni muhimu?

Soma Mathayo 20:28: Marko 10:45; 1 Petro 3:18

3. Ni nini maana kuu ya Kifo cha Kristo? Andika kwa kifupi kwa kutumia maneno yako mwenyewe kwamba kinamaanisha nini kwako binafsi.

Soma 1 Wakorintho 15:1-4, 12-19

4. Kwa ufupi injili ina maana gani? Kwa nini kufufuka kwa Yesu kulikuwa ni kwa muhimu?

Waefeso 1:19-23; Waebrania 7:23-27

5. Yesu yuko wapi sasa? Ni nini huduma yake ya kimbingu kwetu leo?

Soma 1 Wakorintho 6:20; 1 Petro 1:18-19; Wagalatia 3:13; Tito 2:14

6. Je Kristo alitimiliza nini kwa ajili yetu katika mistari hii? Ni nini kusudi lake kwa ajili ya maisha yetu?

Soma 2 Wakorintho 5:17-21

7. Ni kitu gani kingine kilichotimilizwa kwa ajili yetu?

Soma Wakolosai 1:13-14; I Yohana 1:7; Waebrania 9:14

8. Ni kitu gani kingine kilichotimilizwa kwa ajili yetu? Ni kwa jinsi gani tunaweza kusamehewa dhambi tulizozifanya baada ya kuokoka? Je Mungu anatutaka tuendelee kubeba hatia ya dhambi iliyokwishasamehewa? Kwa nini?

Soma Wafilipi 3:20; 1 Petro 2:5, 9; Yohana 1:12-13; Wagalatia 4:5; 1 Petro 1:4

9. Orodhesha faida nyingine za wokovu wetu ambazo zinapatikana katika aya hizi

Soma Warumi 8:31-39

10. Ni kitu gani ambacho ukikifanya utapoteza uhusiano wako na Mungu? Je, kuna jambo lolote ambalo mtu mwingine anaweza kufanya kwako ili kufuta kila kitu ambacho Kristo amefanya? Una maelezo gani kwa swali hili? Je, hali hii inakufanya ufikiri kuwa ni sawa tu kutenda dhambi kwa vile kuna kusamehewa? Au je, inakuhimiza kumpenda Bwana zaidi na kumtumikia kwa uaminifu zaidi?